ابووس ايديكى
يامصر شايلك فى قلبى ......
وبروحى افديكى ...
وانتى اللى فاهمة كويس
ليه روحنا بترخص ليكى
انتى يامصر الامل ....
انتى الحضن اللى بنشتاق له
وراسنا دايما مرفوعه بيكى
لما بتعب بلاقى نفسى سارح فى حواريكى
وانتى ياحلوة من شباكك الارابيسك بتطلى
ابص ليكى تبصى ليا بدلال .....
اتوه انا وانسى التعب والشقى وانسى ذلى ....
واغني ليكى احلى كلام فيكى اتقال ....
يا ام الشباب الحر ..
يا ام الرجال..
امانه عليكى يا مصر
تفضلى موجوده ..
اوعاكى تغيبى يوم..
اوعاكى ترمينى ..
اوعاكى فى وسط النار تسيبينى ..
حافظى عليا وانا هوهبلك اللى باقى
خدى دمى ولحمى وخدى الضلوع تسندك
اطلبى وانا اديلك حتى لو ماكنتش لاقى
اطلبى اجيبلك فلاحين تزرعلك
اطلبى اجبلك عمال بايديها تعمرلك
اطلبى اجبلك جنود بروحها تفديكى
يا مصر اعملى معروف ..
اوعاكى تغيبى او تبعدى
يامصر اعملى معروف
ابوس ايديكى
.............
بقلم سامح طاحون
ريشة للرسام المغربي داني زهير
Aucun commentaire:
Enregistrer un commentaire